Mizo Academy of Letters (MAL) Book of the Year Committee chuan April 19, 2022 khan Book of the Year 2021 thlanna kal mek zelah, kum 2021 chhunga Mizo lehkhabu chhuak zinga tha ber pathum an thlang chhuak a; chungte chu a hnuai amite hi a ni.
Hnam Ropuite U, Tho R’u Le! | Lalhruaitluanga Chawngte |
Mizo Buanpuite | Lalhmingchhuanga Zongte |
Vankhama Thulehthliah Thiam | Darchuailova Renthlei |
Top 3-a lang zingah hian Lalhruaitluanga Chawngte leh Lalhmingchhuanga Zongte te hian Book of the Year an lo dawng tawh a. Lalhruaitluanga Chawngte ziak Aizawlah Aizawler chu Book of the Year 2016 atana thlan lo ni tawhin, Lalhmingchhuanga Zongte ziak Savun Kawrfual chu Book of the Year 2017 atana thlan a lo ni tawh bawk.
Top 3 atang hian MAL Book of the Year 2021 thlan chhuah tawh tur a ni a, Book of the Year atana thlan hi MAL Foundation Day, April 25-a hman turah puan a ni ang.